مهما شوفت في عمري ياما من مواقف مؤلمة
عايشة زي ناس كتيرة عالهموم متأقلمة
واللي يحصل ليا ديما راضية بيه ومسلمة
لما اكون فرحانة احس الدنيا حلوة كتير في عيني
واما اكون مخنوقة بحتاج اللي جمبي ويواسيني
ديما اهرب من همومي قبل هي ما تلاقيني
مين في كل الدنيا ديا عمره مرة ما اشتكى
مين مجربش السعادة ولا حس بالبكا
اغلب القلوب دي حالها في الحياة مستهلكة
______
كل يوم بيعدي بكسب منه ديما شيئ جديد
المهم يضيفلي حاجة والاهم اني استفيد
في الحياة مفيش ضمان او احتمال لشيئ اكيد
في حاجات جوايا باقية مهما عشت مبنسهاش
والحياة بالنسبة ليا لسة برضو معشتهاش
اللي حساه اني ديما لسة اجمل يوم مجاش
رسالة أحدث
الصفحة الرئيسية
0 التعليقات:
إرسال تعليق