بسم الله الرحمن الرحيم
بتدخل علا بيتها و هى مش لاقيه لحالتها شعور .. مش قادره تواجهه نفسها بهو ايه اللى ممكن يحصل هو المفروض تحس بأيه .. هى المفروض تعيط و لا تضحك لحد ما تنام ...
_فيه حاجات كده مش هتعرف توصف فيها لنفسك شعورك او انت عاوز تقول ايه او المفروض تعيط و لا تلعب رجليك و لا تخبط صباع رجلك الصغير فى طرف السرير ثم تليها تنطيطه غريبه ولا تكتئب و تكبر ولا تبيع ولا تعض فى حد جنبك و تضربه كف و تقوله بحبك يا جزمه حتى ...
متستفسرش من نفسك عن حاجه مش طالعلها رد فعل او شعور لانها من مطالب منها كده ..ليها طاقه ..
سيب نفسك فى حالها
استحملها ما هى مستحمله غلبك و ساكته ..
دخلت علا على اوضتها مسكت الموبايل وهى متجاهله كل نظرات البيت ليها ,, حاسه ان كل حاجه فى البيت بتبصلها ,, حتى سريرها اللى رمت نفسها عليه ودخلت فى غيبوبه نوم اتمنت متصحاش منها ...
_______________________________________________
بتصحى علا على تليفون من نجلاء .. بتبعد الموبايل عن عنيها علشان تتأكد من الاسم ,, من جواها هى مبقتش من اى حاجه حوليها ,, مفيش حاجه جديره انها تاخد الثقه جواها ,, ده حتى نفسها خانتها فى الحكم ع اى حاجه كانت واضحه زى الشمس قدامها ,, قدرتها ع انها تتحمل حاجه مبقتش موجوده ,, فقدت قدرتها على ان دموعها ممكن تنزل على اغلى حاجه وهى نفسها .. فتحت المكالمه وهى مستنيه صوت نجلاء علشان تتأكد انها هى ...
نجلاء:ايه يا بنتى ,, دى خامس مره اكلمك فيها ومترديش
علا:معلش انا حاسه بغيبوبه ,, فعلا مش عاوزه اصحى ..
نجلاء:بس كده مش هينفع ,, خلاص اهدى
علا: اهدى من ايـه ,, عارفه لما تبقى تفقدى كل جانب من حياتك ,, عارفه لما كل شويه ضلع من ضلوعك يتكسر و فى الاخر خلاص متبقيش لاقيه حاجه توقفك ع رجلك ,, يعنى ايه يعنى ميبقاش ليكى الحق تثقى فى حاجه فى حياتك ,, فهمينى ازاى ؟
نجلاء:و ايه الصح يعنى انك تنامى ,, طب نامى هتنامى ايه ,, هتنامى لحد ما النوم يتطردك من دنيته .. ثم انتى عندك حياتك كلها ده كفايه ان كريم فى حياتك ..
علا:انا عارفه ان كريم احلى حاجه ممكن اى واحده فى الدنيا تحلم بيه ,, بس اصحابك دول احلى حب ممكن تاخديه فى حياتك .. عارفه يعنى ايه ان حد يقولك انا بحبك و فى ايده سكينه فى ضهرك وكل شويه يرزعها فى ضهرك و انتى مش حاسه و مش بتدورى لمجرد ان ايده فى ظهرك و حمياكى .. عارفه يعنى ايه تبقى قاعده قدام كل الناس و بتتباهى ان محدش موجود فى حياته ناس كده ..
نجلاء:طب ممكن تهدى ,, يمكن ده احسن ليكى ثم ان حسام مكنش ينفعك
علا:باستثناء انه كان اول حب فى حياتى اللى مش هعلق ع ارتباطى المبالغ بيه معاه ,, وانه لو موجود دلوقت انا هرفضه ,, و ان حظى الحلو ان حسام بعد عنى ,, بس ان صاحبتى تعمل كده
نجلاء:احمدى ربنا انه عوضك ,, كنتى هتعملى ايه لو مش فى حياتك هو ,, و احمدى ربنا اكتر انك عرفتى
علا:انتى ممكن تفتكرينى مضايقه علشانه لكن
نجلاء:من غير ما تكملى مش انتى اللى تضايقى ع حاجه مينفعش يبقى ليها وجود فى حياتك
علا:طب انا هقفل دلوقت كريم معايا ع الويتينج ..
___________________________________________________
كريم:الو يا حبيبى
علا:ايوه ؟
كريم:مالك
علا:كريم انت بتحبنى ؟
كريم:هههههههههههه انتى عبيطه يا بت ,, اومال ايه اللى انا كنت بعمله امبارح فى بيتك ده
علا:هو يعنى علشان جبتلى 10 شوكولاتات تويكس واتنين سنيكرس و تلاته جلاكسى تكون بتحبنى
كريم:وكمان نسيتى الكيت كات يا ظالمه
علا:انت بتهزر يا كريم ,, انا بتكلم جد
كريم:بذمتك انتى كده بتتكلمى جد
علا:طيب خلاص انا بسألك انت بتحبنى
كريم:وانا مش هجوبك لانه مش اه و مش لا
علا:تقصد ايه ؟
كريم:يعنى مليون واحد قال اه و كان بيكرهك و واحد قال لا و بيموت فيكى
عادت علا كلمه كريم كذا مره وهى ساكته ,, كريم جارحها من غير ما يقصد ..
علا:بس انا عاوزه اعرف يا كريم
كريم:و انا مش مطالب منى اقولك بحبك و قت ما انتى تكون عاووزه تسمعيها لمجرد انك تتأكدى من حاجه المفروض كل جواكى بيأكدها ..
علا:انا خلاص مبقتش متأكده من اى حاجه فى حياتى
كريم: انا هقفل يا علا
علا:كريم
كريم:نعم
علا:انا
كريم:متكمليش يا علا ,, شوفى انتى متأكده من ايه و روحيله
قفل كريم وهو متأكد من اللى عمله ,, و علا قاعده على سريرها بتعيط هى متأكده
ان لو الدنيا كلها موجوده مش هتختار غير كريم ,, هى متأكده انها بتحبه ,, بتحبه لدرجه متخيلتش انها ممكن تحبها ,, بتحبه و هى عندها استعداد تقابل عذاب الدنيا كله مش وهو فى ايديها بس لا لو بس متأكده انها هتلمحه من بعيد ..
_____________________________________________________
قاعده شيماء بتفكر فى كل اللى حصل فى صحبتها اللى عرفت كل حاجه بكلامها اللى بتحاول تبرر بيه لنفسها كل حاجه بتعملها ,, كل كلمه طلعت مش من جواها علشان تقنع كل حاجه قدامها انها مبتعملش حاجه ..
مسكت موبيلها تكلم حسام ..
شيماء:ايه يا ابنى فينك
حسام:موجود اهوه
شيماء:علا عرفت اننا بنتكلم
حسام :بجد وايه عرفها بس
شيماء:وانت يعنى مش عاوزها تعرف
حسام:ابدا انا بس
شيماء:انا بس ايه ..
حسام:يا بنتى مفيش حاجه ,, كل الحكايه انى كنت عاوزها تيجى منك انتى
شيماء:احنا مبنعملش حاجه غلط ,, هى اصلا مبتحبكش ولا حبيتك زى ما قولتلك ,, و كفايه الكلام اللى كانت بتقوله عليك يعنى
حسام:انتى متأكده من الكلام ده
شيماء:اه طبعا ,, هى كويسه وكل حاجه بس اهوه زى ما انت شايف و بعدين ما انت لو كنت بتحبها مكنتش سيبتها يعنى و لو بتحبك مكنتش ارتبطت وحبت و اتخطبت لحد غيرك
حسام:ههههههههههههه وانتى عوزاها بعد ده كله متحبش وترتبط و تتخطب يا شيخه حرام عليكى
شيماء:محسسنى انى وحشه اوى كده ,, انا مجبتش حاجه من عندى ثم انى بحبها
حسام:بتحبيها ,, طب انا هقفل معاكى شويه بس وهكلمك تانى ,, اوكى
شيماء:ليه ؟
حسام:ابداً هكلمك تانى ..
______________________________________________
علا قاعده سرحانه فى علاقتها مع شيماء فى قد ايه كانت بتعاملها من قلبها ,, فى كل كلام كانت بتقولولها ,, فى انها بتبذل كل جهدها علشان تبين لها انها بتحبها وان ده مش حقيقى ,, وبرغم كل ده مضايقه من انها متمسكه بحد زى حسام ,, جيه ع بالها حسام و كل ذكرياتهم سوا وانه حبها الاول و مع كل صوره ليه قدامها بتحمد ربنا انه مبقاش فى حياتها
ووسطت كل الدوشه اللى جواها رن موبيلها بنمره غريبه ,, بصت لموبيلها كتير و فى الاخر ردت ..
علا:الو ,, مين معايــــــا
حسام:نسيتى نمرتى
سمعت علا صوت حسام ,, محستش بدوشه من جواها ,, كل اللى عملته مسكت موبيلها و قفلت السكه فى وشه ..
رن موبيلها تانى بصوت كذا مسدج ,, مسكت علا الموبايل و بتفتح المسدجات
_علا انا عاوز بس اتكلم معاكى شويه ,, انا عارف ان وصلك عنى كلام كتير غلط ,, بس انا وصلى عنك كمان كلام كتير برضوا ,, انا عارف انك شيفانى حد مش كويس وانك محظوظه انى مش فى حياتك بس صدقينى مش انا السبب ...ارجوكى ردى
والمسدجات التانيه من رقم شيماء بانها حولت تكلمها كذا مره .....
رن موبيلها بأسم شيماء .. ردت علا وهى مش عارفه هتقول ايه ..
علا:ايوه يا شيماء ,, انتى عارفه انى عارفه و انا مش عاوزه اعرف اللى انتى عاوزه تعرفهولى و تقنعى نفسك بحاجات مش عاوزه برضوا اعرف اذا كنتى مقتنعه بيها او لا .. ولا عاوزه اسألك انتى ليه كده او بتعملى كده او لسا مستمره فى كدا ازاى او حتى اسمع كلام منك ..
قفلت شيماء التليفون وهى مش مستعده تواجهه نفسها بأى حاجه و هى بتتصل بحسام و حسام ع الناحيه التانيه بيتصل بيها و تليفون كل واحد منهم مشغول لحد ما قدرت تتصل بيه ورد عليها ..
_الغلط اللى موجود جواك هيفضل طول عمره يدور ع اللى يكبره لو مدفنتهوش بالحيا .. غلطك ليه 44 شبيه و زياده هيفضلوا يجروا وراك طول عمرك و نفسهم مبيخلصش ..
________________________________________________
قعدت علا تفتكر نفس شيماء المتلغبط و هى بتكلمها ,, تمسكها بأنها تغطى حتى الكدب اللى جواه انفسها ,, فى تفريطها فى كل حاجه ما بينهم ..
قعدت تععيط و دموعها غرقت فى ملامح وشها لحد ما موبيلها رن بأسم كريم ...
نفضت الدموع اللى حولين عنيها .. و ابتسمت غصب عنها و فتحت المكالمه و هى بتاخد نفسها بعزم ما فيها منه اول ما نطق اسمها
كريم:علا
علا:انا بحبك
كريم:هتفضلى تعيطى كتير طيب
علا:اصل انا بحبك
كريم:و انا محبكيش
علا:كداب
كريم:و ايه اللى خلاكى متأكده بقى ,, ما يمكن بضحك عليكى
علا:لو كنت بتضحك عليا كنت سيبت جوايا و انا جوايا فى كل وقت ,,عارف انا بيحصلى حاجات كتير اوى بتحصلى فى حياتى وحشه بس لانك هنا ,, انا بحبها
كريم:طب وانا ؟
علا: اخر صبرى ..
_ الحقيقه الوحيده اللى فى حياتك وممكن تعمل فيها سبق صحفى هو موتك ,, كل شخص فى حياتك ما هو الا غلطه مطبعيه مهما ذاد حبه ليك فهيطلع منه ناقص مش كامل حروفه متكله متاخد منها حته مشطوب عليها بالحبر الاسود اللى مالى حياتك ..
_الحب فى وقتنا ده احنا مكلبشين فى أيده مليون تعريف اخترعناه على كل انواع الحب ممكن يحللنا اننا نقتل بنى آدم علشان بس بحبه .. و هو متكتف بيبكى مننا و علينا ...
ياريت لايك يا جماعه للى هيقرا القصه و تقولوا رأئيكوا
رسائل أحدث
الصفحة الرئيسية
