اعتراف

#‏اعتراف‬ : اما اتوفت امي قعدت فترة عند واحدة صاحبتي و بعدين رجعت البيت ؛ اما رجعت روحت أزور قبرها و اما خلصت لاقتني مابتكلمش .... سكت ... سكت فترة يوم بحاله في حساباتي و بالنسبة للي حواليه -انا كده في خطر- ماكنتش بتكلم غير مع جدي -الله يرحمه- دخلت اقعد معاه في الاوضة كان بيقرا قرآن ؛ سألته "هو أنت كويس ؟!" 

سؤال ساذج جدا بس ايه الصيغة المناسبة سألته و انا عارفه الاجابة -امي كانت الأقرب لجدي بنته الوحيدة و البكرية اللي كنت بشوف في عينيه معني حب الأب لبنته- 

سألته "انت كويس ؟! " 

قالي "الحمدلله" 

قولتله "الحمدلله ؟! " 

قالي حديث عن الرسول (ص) "قال: إِذَا مَاتَ وَلَدُ الْعَبْدِ قَالَ اللَّهُ 

لِمَلائِكَتِهِ: قَبَضْتُمْ وَلَدَ عَبْدِي؟ فَيَقُولُونَ: نَعَمْ فَيَقُولُ: قَبَضْتُمْ ثَمَرَةَ 

فُؤَادِه؟ فَيَقُولُونَ: نَعَمْ فَيَقُولُ: مَاذَا قَالَ عَبْدِي؟ فَيَقُولُونَ: حَمِدَكَ 

وَاسْتَرْجَعَ. فَيَقُولُ اللَّهُ: ابْنُوا لِعَبْدِي بَيْتًا فِي الْجَنَّةِ وَسَمُّوهُ بَيْتَ

 الْحَمْدِ" .....

ومن ساعتها وهو اللي علمني الحمدلله 
...

الأب و الام اللي بيقولوا الحمدلله علي الرغم من خسارة فلذة 

الكبد.
..

في ايه بعد كده ... ؟!

الحمدلله .... ابداً !

التصنيف : مقالات